بجد حقيقى مخنوق... مخنوق من الكلية
بجد نظام سئ جدا صراحه .
منهج كان المفروض ناخده فى 6 شهور بناخده فى شهر ونص
والدكتور يقولك كده كده هناخد المنهج لو هنجبكوا يوم الجمعة والسبت
هل احنا اصبحنا علب بتتملى وخلاص هل احنا اصبحنا لهذه الدرجة آلات تحفظ ..تحفظ ...نحفظ
اكبر مشكلة بتواجهنى انى مش بعرف اذاكر حاجه إلا اما اكون فاهمها
وكتيير اوى من الدكاترة مش بيحرصوا على انهم يفهمونا ...دكتورة تتدخل تقرى الكتاب.... ودكتور يقولك فى المستشفى احفظها كده
حاجه تخنق بجد
والمشكلة ان الموضوع بيقلب معايا عكسى وبيخلينى مش اذاكر اى حاجه
يعنى انا قعدت اذاكر فى مادة اسمها ORTHOSES AND PROTHESESتلت ايام على انى احصل منها حاجه
مش عارف مادة عبارة 500 صفحه كلها اجهزة تعويضية وجباير وكل جهاز بيشتغل ازاى وشكله ايه
وايه الإنديكاشين بتاعته تخلص مذاكرة من هنا وتبدأ تراجع تلاقى نفسك محصلتش اى حاجه وكله دخل فى بعضه
ومادة الاورثو بى تى مشكلة تانيه إحنا امتحاناتنا بعد العيد بخمس ايام على طول
ولسالنا اكتر من كتاب متشرحش و4 محاضرات لدكتور تانى
ونسأل رئيس القسم يقول انتوا كده كده مطالبين بالحاجات دى فى الإمتحان طب ارحمونا شوية
يعنى مفييش اى امل المادة عبارة عن 4 كتب يعنى حوالى800 صفحه
وفى بقى حاجه تانيه كمان المستشفى الدكتور يقولك انت مطالب فى الإمتحان بأناتومى كل الجسم وكل الأجهزة إلى اخدتها فى الإليكترو
وكل الثيرابيوتك إلى اخدته فى اولى وتانيه وكل المسل تيست
وكل وكل وكل وكل وكل ده غير المنهج بتاعنا اصلا
انا حقيقى مخنوووووق
وربنا يستر
ليست هناك تعليقات:
إرسال تعليق